En règue avou li lwè:
Londi, tot r'montant Saint Sevrin,
Mithchi Pequet tchantév di djoye,
Tot batant l'meseûre dès deus mains
Po bin wàrder l'mitan del voye.
Come i rèscoulèv di deus pas
Sol timps qui fev'ine askohèye
So n' pèlote d'orange, i rida
Et fa 'n' pèrtin-ne sol deûre pavèye
In' agent qu'el kinohev' bin
Li dèrit: "C'èst co twè, sôlèye!
"Hoûte, ti t'vas r'lever hayet'mint
" Ou ti vas r'çur ine sitron-lèye!"
Mins qwand Pèket vèya l'agent,
I n' pola pus s'tini dè rire,
Et rèsponda, tot balançant:
" Vos n'avez, tot djusse rin à dire.
" Ouy, dja viké tot come on rwè:
" D'ja houmé dès grandes èt des p'tites
" Mins dj'sos st'en régue avou li lwè
" Dji djeure qui dja bu mès deûs lites!"
Edmond Parent: Làmes et Riyas: 1929
(Epoque où le Wallon n'était pas encore mascrawé)
Aucun commentaire:
Enregistrer un commentaire