Li cwèrbâ èt li r'nâ

On vî cwerbâ,so in âbe apîc'té

Tinéve è s'bètch' on bê froumadje

Mins l'fin r'nâ, qui l'aveût st-odé,

Saprèpia èt, dit s'fâ lingadje

Lî dèrit:  "Vî fré cwèrbâ,

Qui v's ètez bê, vos f'riz' blâme â ritchâ

Sins minti, si vosse gazouyèdje

Est st-ossi bê qui vosse ploumèdje

Vos d'éz t-èsse li pirou,chal divins les bwès."

So cès mots-là, l'cwerbâ, fout pus ureùs qu'on rwè!

Et po mostrer qu'aveût 'ne bèle vwè,

I tapa s'bètch â lâdje, èt l'froumadje fat l'plonket!

Mins li r'nâ broka d'us, èt dèrit: "Vî cwerbâ,

Aprindez qui tot platch'teù

Vike âs crotchèts dès cis qu'sont d'douce crèyince...

Cisse lèçon-là vât bin on froumadje, dji pinse"

Li cwerbâ, honteûs èt bèsé,

Djura... mins on pô târd, qui n'si laîreût pus r'fé!
Nicolas Dechesne 1963