Li Peheu d'Ablètes

Chanson Wallonne de Constant Dehousse 1926

air: C'est des canayes, fré Hinri

I

On z-a chaskeun' si marote,

C'èst-ine saqwè d'rik'nohou:

Onk inme le djeû, l'aute les gotes,

Mi, dji sos st-on marcatchou!

Respleû

Dji n'mi plais jamây' si bin

Qui qwand dj'va pèhî l'âblète,

Dji n'mi plai jamây' si bin

Qui qwand dj'enn'a m'banstè plein!

II

Ci n'èst nin qui dj'elzè blâme:

En'na qui pèhet l'sâmon, 

Li barbè, l'hôtitche ou l'brâme,

Mi dj'inme mîs li p'tit pèhon!

III

Di l'aireûre djisqu'a l'vesprèye,

Qu'i djale, qu'i nive ou qu'faisse tchaud,

Dji pèhe tote ine sainte djournêye

Et dj'enn'a jamây' mi sau!

IV

E l'osté, dj'so tot' èn'êwe,

E L'iviér, dj'èdjale di freûd, 

Mins dji pèh'reûs l'cou è l'èwe 

 Et s-n'a-dj'mây ni faim ni seû! 

V

Li pèhe m'estchante, mi d'vertih ,

Dj'î roûvèye tos mes guignons.

Qwand dji pèhe, li monde finih'

Djusse â pènê di m'bouchon!  

   

 Marcatchou, li rwè dès pèheus d'Lidje

 

 Coredj'e mès frés, dj'en'a co treus cint por vos